Sawaal_ Kitna Ilm Sheekhna Har Musalman Par Farz Hai

 सवाल ) कितना इल्म सिखाना हर मुसलमान मर्द वा औरत पर फ़र्ज़ है

Sawal) Kitna Ilm Seekhna Har Musalman Mard wa Aurat Par Farz Hai 

Al Jawaab 

Hazrat Anash Radi ALLAHU Taala Anh Ne Farmaya Rasulullah Sallallahu Taala Alaihi Wasallam Ne Farmaya Ki Ilm Ka Hasil Karna Har Musalman Mard Aurat Par Farz Hai Aur Na Ahel Ko Ilm Shikhane Wala Aisa Hai Jaise Khinzeer Yaani Suar Ke Gale Mein Jawahiraat Moti Aur Sone Ka Haar Pehna Diya Ho 

Sunan Ibne Ma'aja Baab Fuzlul-Ulema Ala-Taalib-Ul-Ilm Jild 1 Safa No 20 Hadees No 224 Mishkat-Ul-Masabih Kitab-Ul-Ilm Baab Fuslul-Shaani Safa No 34 

Hadees No 218 

Hazrat Mulla Ali Qari Rahmatullahi Taala Alaih Is Hadees Ki Sharah Mein Farmate Hain Ilm Se Muraad Mazhabi Ilm Hai Jiska Hasil Karna Banda'h Ke Liye Zaroori Hai Jaise Khudaye Taala Ko Pehchanna Uski Wehdaniyat Uske Rasool Ki Nabuwat Ki Sanakhat Aur Zaroori Masaail Ke Saath Namaz Padhne Ke Tareeke Ko Jaanna Is Liye Ki in Cheezon Ka Ilm Farze Aa'een Hai Aur Fatawa Wa Iztehad Ke Rutbe Ko Pahochna Farze Kifaaya'h Hai 

Mirqat-Ul-Mafati'h Sharah Mishkat-Ul-Masabih Kitab-Ul-Ilm Baab Fuslul-Shaani Jild 1 Safa No 284 Hadees No 218 

Aur Hazrat Shaikh Abdul Haq Mohaddis Dehlvi Bukhari Rahmatullahi Taala Alaih Is Hadees Tahet Farmate Hain Ilm Se Muraad Is Hadees Mein Woh Ilm Hai Ki Jo Musalmano Ko Waqt Par Zaroori Hai Maslan Jab Islam Mein Dakhil Hua To Us Par Khudaye Taala Ki Zaat Wa Sifa'at Ko Pehchanna Aur Rasulullah Sallallahu Taala Alaihi Wasallam Ki Nabuwat Ko Janna Wajib Ho Gaya Aur Har Us Cheez Ka Ilm Zaroori Ho Gaya Ki Jiske Begaair Imaan Sahi Nahin Aur Jab Namaz Ka Waqt Aa Gaya To Us Par Namaz Ke Ahkaam Ka Jaanna Wajib Ho Gaya Aur Ramzaan Aa Gaya To Roza Ke Ahkaam Ka Jaanna Wajib Ho Gaya Aur Jab Maalik Nasab Ho Gaya To Zakaat Ke Masaail Ka Jaanna Wajib Ho Gaya Aur Agar Maalike Nasab Hone Se Qabil Mar Gaya Aur Zakaat Ke Masaail Ko Na Sheekha To Gunahgaar Na Hoga Aur Jab Aurat Ko Aqad Mein Laaya To Haaiz Wa Nafaas Wagairah Jitne Masaail Ka Zan Wa Saonhar Se Taalluq Hai Un Sab Ka Jaanna Wajib Ho Jaata Hai 

Ashat ul Lama'at Kitab-Ul-Ilm Fuslul-Shaani Jild 1 Safa No 161 

Hazrat Mohammed Bin Sireen Radi ALLAHU Taala Anh Se Riwayat Hai Ki Unhon Ne Farmaya Ki Yeh Ilm Yaani Quraan Wa Hadees Ko Jaanna Deen Hai Lihaza Tum Dekh Lo Ki Apna Deen Kis Se Hasil Kar Rahe Ho 

 Darami Muqadma'h Safa No 28 Mishkat Safa No 37 

Hazrat Abu Amama'h Bahli Radi ALLAHU Taala Anh Se Riwayat Hai Ki Unhon Ne Farmaya Ki Rasulullah Sallallahu Taala Alaihi Wasallam Ke Shamne Do 2 Aadmiyon Ka Zikr Kiya Gaya Ek Un Mein Se Aabid Tha Dusra Aalim To Sarkaar e Aqaddas Sallallahu Taala Alaihi Wasallam Ne Farmaya Ki Aabid Par Aalim Ki Fazeelat Aisi Hai Jaise Ki Meri Fazeelat Tumhare Adna Aadmi Par Phir Huzoor Ne Farmaya Ki Logon Ko Bhalaai Shikhaane Wale Par Khudaye Taala Rahmat Nazil Farmata Hai Aur Uske Farishte Nizi Zameen Wa Aasmaan Ke Rehne Waale Yahan Tak Ki Chuntiya'n Apne Surakhon Mein Aur Machaliya'n Paani Mein Uske Liye Dua e Khair Karti Hain 

Sunan Tirmizi Kitab-Ul-Ilm Baab Ma'aja Fi Fuzlul-Fiqa'h Jild 2 Safa No 98 Hadees No 2694 

Mishkat-Ul-Masabih Kitab-Ul-Ilm Baab Fuslul-Shaani Safa No 34 Hadees No 213 

Hazrat Kaseer Bin Qais Radi ALLAHU Taala Anh Ne Farmaya Ki Main Hazrat Abu Darda Radi ALLAHU Taala Anh Ke Saath Damiqs  Ki Masjid Mein Baitha Tha To Ek Aadmi Ne Aa Kar Kaha Ki Ae Abu Darda Beshaq Main Rasulullah Sallallahu Taala Alaihi Wasallam Ke Saher Madeena Tayyaba Se Yeh Sun Kar Aaya Hun Ki Aap Ke Pass Koi Hadees Hai Jise Aap Rasulullah Sallallahu Taala Alaihi Wasallam Se Riwayat Karte Hain Aur Main Kisi Dusre Kaam Ke Liye Nahin Aaya Hun Hazrat Abu Darda Radi ALLAHU Taala Anh Ne Kaha Ki Maine Rasulullah Sallallahu Taala Alaihi Wasallam Ko Farmate Huye Suna Hai Ki Jo Shakhs Ilm e  Deen Hasil Karne Ke Liye Safar Karta Hai To Khuda Use Jannat Ke Raaston Mein Se Ek 1 Raaste Par Chalata Hai Aur Taalib e Ilm Ki Raza Hasil Karne Ke Liye Farishte Apne Paron Ko Bichha Dete Hain Aur Har Woh Cheez Jo Aasmaan Wa Zameen Mein Hai Yahan Tak Ki Machaliya'n Paani Ke Andar Aalim Ke Liye Dua e Astagfaar Karti Hain Aur Aalim Ki Fazeelat Aabid Par Aisi Hai Jaisi Chaudhavin Raat Ke Chaand Ki Fazeelat Sitaaron Par Aur Ulema Anbiya e karam Ke Waaris Wa Janashi'n Hain Anbiya e karam Ka Tar Ki Dinaar Wa Dirham Nahin Unhon Ne Waarsat Mein Sirf Ilm Chhoda Hai To Jisne Ise Hasil Kiya Usne Pura Hissa Paaya 

Sunan Tirmizi Kitab-Ul-Ilm Baab Ma'aja Fi Fuzlul-Fiqa'h Jild 2 Safa No 97 Hadees No 2691 

Sunan Abu Dawood Kitab-Ul-Ilm Baab-Ul-Hadees Ala-Taalib-Ul-Ilm Jild 2 Safa No 513 Hadees No 3641 Mishkat-Ul-Masabih Kitab-Ul-Ilm Fuslul-Shaani Safa No 33 Hadees No 212 

Sahi-Ul-Bukhari Kitab-Ul-Ilm Baab Man Yardullah Jild 1 Safa 42 Hadees No 71 

Sahi Muslim Kitab-Ul-Zaka'at Baab-Ul-Nohi Annil-Masa'ala'h Jild 1 Safa 516 Hadees No 98-( 1037) 

Mishkat-Ul-Masabih Kitab-Ul-Ilm Fuslul-Awwal Safa 59 Hadees No 200 

Sunan Tirmizi Baab-Ul-Amal Bil-Ilm Jild 1 Safa 94 Hadees No 264 

Mishkat-Ul-Masabih Kitab-Ul-Ilm Fuslul-Salsa Safa No 68 Hadees No 256 

Hazrat Muaviya Radi ALLAHU Taala Anhuma Se Riwayat Hai Ki Rasoole Kareem Sallallahu Taala Alaihi Wasallam